Agjenti i Marcelo Brozovic, Miroslav Bicanic ka pranuar se shumë klube janë të interesuara për klientin e tij.

Brozovic është duke hyrë në vitin e fundit të kontratës dhe klauzola e lirimit është 60 milionë euro, transmeton portali arbresh.info.

Sipas Calciomercato, gjigantët evropianë si Liverpool, Barcelona, PSG, Real Madrid dhe Barcelona kanë interesim të madh për kroatin.

Këtë e ka konfirmuar edhe agjenti i lojtarit, mirëpo ia ka bërë me dijë të gjithëve se klauzola e Brozovic duhet paguar mes datave 1-15 korrik.

“Është në kulmin e karrierës, por nuk mund të vendosim nëse sezoni shtyhet shkaku i koronavirusit”.

“Sidoqoftë, klauzola e lirimit mund të paguhet mes datës 1 dhe 15 korrik, sepse e ka të shënuar në kontratë”, theksoi Bicanic.

27-vjeçari gjatë këtij sezoni për “Neurazurët” ka shënuar tri gola dhe ka bërë pesë asistime në 32 paraqitje./arbresh.info.